тез салынатын паналау ғимараттары

тез салынатын паналау ғимараттары
ядролық жарылыстың зақымдаушы факторларынан қорғауға арналған. Т.с.п.ғ-нда жеке қорғаныс құралдарынсыз отыруға болады. Т.с.п.ғ-н салу жағдай күрт қиындаған кезде жоспарланады. Олар қысқа мерзім ішінде темір-бетон конструкциялары мен ағаш материалдарынан құрастырылады немесе үйлердің подвалдарында жасалады. Т.с.п.ғ-н салу үшін алдын ала жобалау құжаттары жасалады. Оларды салатын жерді жер асты жүйелерінің (жылу жүйесі, канализация, су құбыры, байланыс, электр кабелі және т.б.) өтуін ескере отырып таңдайды. Оны ылди жерлерде салуға болмайды, өйткені су жүйесі, не канализация бұзылған немесе аварияға ұшыраған жағдайда паналау ғимаратын су басуы мүмкін. Т.с.п.ғ-н жанар-жағармай, күшті әсер ететін улы зат, ағаш қоймаларынан және жарылғыш-өртену қаупі бар жерлерден алысырақ, қауіпсіздеу орынға салу керектігін естен шығармау қажет. Т.с.п.ғ-на ауаны тазартып беретін сүзгі орнатылады, ауа жіберетін және сыртқа шығаратын тесіктер ағаш және қорғағыш-тығыз жабылатын есіктермен бекітіледі. Сүзіп желдету режімі кезінде ауаның берілуін қамтамасыз ету үшін өнеркәсіптік негізде жасалынған немесе қол немесе велосипед жетегімен жұмыс істейтін қуаты бір паналаушыға шаққанда кемінде 2 м3 сағ ауа беретін қарапайым үлгідегі желдеткіштер қолданылады. Ауаны радиоактивті тозаңнан, уландырғыш бактериялық заттардан тазарту үшін өнеркәсіптік негізде жасалған сүзгілер, ал олар болмаған жағдайда қолда бар заттардан жасалған сүзгілер пайдаланылады. Паналау ғимараттарының ішінде сақталатын ыдысқа бір тәуліктік ауыз су қоры жасалады. Суды ыдысқа толтырғаннан кейін оны 1 м3 суға 10 г хлорлы әк келетіндей есеппен хлорлайды. Санитариялық жүйенің астына паналаушылардан оқшау және ауа желдеткішінің ауаны сыртқа айдайтын арналарына жақын орналасқан арнаулы орын жасалады. Жарық кәдімгі әдіспен немесе батареяларды, аккумуляторларды, шамдарды және т.б. пайдалану арқылы берілуі мүмкін.

Казахский толковый терминологический словарь по военному делу. — Мектеп.

Поможем решить контрольную работу

Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»